सशस्त्र प्रहरी बल, नेपाल विपद व्यवस्थापन वेश निजगढबाट सरुवा हुनु भएका प्रहरी नायब प्रहरी उपरीक्षक देवेन्द्र थापाको विदाईमा हिजो निजगढमा फेरी भेटौला कार्यक्रम आयोजना गरिएको छ ।

निजगढ बेस क्याम्पबाट सरुवा हुनुभएका डिएसपी थापाको निजगढ नगरपालिकामा आयोजित कार्यक्रममा नगरप्रमुख सुरथ पुरी, उपप्रमुख सोममाया थिङ्ग लगायत स्थानीय राजतीतिक दलका प्रतिनिधि, नगर कर्मचारी लगायतले फुलमाला र अविर लगाएर विदाई गरेका हुन । त्यसैगरी निजगढ ८ स्थित सप्तऋषी धर्मशाला सेवा समितिको तर्फबाट डिएसपी थापालाई मायाको चिनो प्रदान गरिएको छ । करिब ६ महिनाअघि निजगढ वेश क्याम्पको जिम्मेवारी सम्हाल्नुभएका नायब प्रहरी उपरीक्षक थापाको नेपाल एपीएफ हस्पिटल काठमाण्डौंमा सरुवा भएको हो ।

त्यस्तै निजगढ क्याम्पमा सरुवा भएर आउनु भएका डिएसपी दिनेश शर्माको नगरपालिका कार्यालयमा हिजो नै एक कार्यक्रमको बिच स्वागत गरिएको छ । शर्मा २८ नम्बर गण कपिलवस्तुबाट सरुवा भएर निजगढ बेस क्याम्पमा आउनुभएको हो ।